Савол ва жавоблар

Сотувчи биринчи навбатда корпоратив карта орқали келадиган тўловларни қабул қиладиган терминални (EPOS) олиши керак. Терминални олиш учун сотувчи аввало шерик-банк билан шартнома тузиши керак ва терминал ва сотувчининг ID рақамларини олиши керак. ID олингандан сўнг, етказиб берувчи учун Uzcardtrade.uz сайтида маҳсулотни жойлаштириш функцияси актив холатга келади. Шундан сўнг, етказиб берувчи "Маҳсулотни жойлаштириш" бўлимига киради ва барча керакли маълумотларни киритади, шу жумладан, маҳсулот хақида батафсил маълумот, унинг хусусиятлари, шунингдек маҳсулотни етказиб беришнинг алохида шартларигт. Бундан ташқари, етказиб берувчи ушбу маҳсулотнинг бир нечта фотосуратларини хам жойлаштиради. Шу билан бирга, етказиб берувчи ушбу маҳсулотни қайси усул асосида сотишни режалаштирганлигини, яъни рақобатли ёки рақобатсиз механизмни танлаши керак. Барча маълумотларни тўлдиргандан сўнг етказиб берувчи "Сақлаш" тугмасини босади ва ушбу таклиф модерацияга юборилади. Модерация жараёни камида 24 соат давом этади ва шундан сўнг таклиф электрон ярмарканинг асосий сахифасида кўринади.
Барча хужжатлар, шу жумладан шартномалар электрон шаклда тузилади ва ЭРИ билан иккала томондан имзоланади. Uzcardtrade.uz да бирорта хам хужжат коғозда имзоланмайди. Бундан ташқари, ЭРИ билан тасдиқланган шартномалар билан бир қаторда, харидор томонидан корпоратив карта билан тўлангандан кейин шаклланадиган ҳисоб-варақ фактуралар, ишончномалар ва чеклар ЭРИ ёрдамида имзоланади.
Uzcardtrade.uz da жойлаштирилган маҳсулотлар орасида харидорга керакли маҳсулотлар бўлмаган тақдирда, харидор "Нархни сўраш" механизмидан фойдаланиши мумкин. Ушбу функциядан фойдаланиш учун харидор эълон шакллантириши лозим, унда маҳсулотнинг хусусиятлари ва талаблари, нархни сўрашнинг охириги санаси ва муддати, шунингдек, харидор сотиб олишган тайёр нархни кўрсатади. Шаклланган нарх сўрови Uzcardtrade.uz сайтининг бош сахифасидаги "Нарх сўровлар" бўлимида потенциал етказиб берувчилар учун жойлаштирилади (бепул). Етказиб берувчилар эълон мазмуни билан танишиши ва нархни таклиф қилиши мумкин. Танишгандан сўнг барча манфаатдор етказиб берувчилар ўз маҳсулот ва хизматларини харидорга таклиф нархини белгиланган холда юборадилар. Харидор ўз навбатида келиб тушган барча таклифларни кўриб улар орасида ўзи учун энг яхши нархни танлайди. Харидор тамонидан танланган таклиф асосида ўша таклифни берган етказиб берувчи билан электрон шартнома шаклланади.
Электрон ярмаркада шартнома тузилгандан сўнг, харидорнинг корпоратив картасида керакли сумма музлатилади (блокланади) ва харидор маҳсулотни қабул қилгандан сўнг етказиб берувчининиг EPOS терминалига ўтказилади. Етказиб берилган маҳсулот харидорнинг таклифида кўрсатилган барча талабларига жавоб бериши керак. Агар етказиб берилган маҳсулот барча талабларга жавоб берса, харидорнинг корпоратив картасидаги сумма музлатилинган холатдан ечилади ва етказиб берувчининг EPOS терминалига юборилади.
Uzcardtrade да харидор сотиб олишнинг иккита усулидан фойдаланган холда ўз молиявий маблағларини тежаш имкониятига эга. Булар – нархни сўраш ва хариднинг рақобат усули. Нарх сўровидан фойдаланганда, харидор ўзига керакли маҳсулотнинг сотиб олиш нархи таклифини жойлаштиради ва маълум муддат ичида (камида 24 соат) етказиб берувчилардан таклифларни қабул қилади. Етказиб берувчилардан келиб тушган таклиф нархлар орасидан электрон тизим харидорга минимал нарх таклиф қилган етказиб берувчини кўрсатади, бироқ танлаб олиш хуқуқи харидорда қолади. Маҳсулотни рақобат усулда сотиб олаётганда, харидор маҳсулотни электрон ярмаркада таклифлардан танлайди ва сотиб олиш тугмаси босганда, электрон тизим ушбу таклиф хақидаги маълумотларни, шунга ўхшаш маҳсулотларни сотадиган барча бошқа етказиб берувчиларга маълумот сифатида юборади. Маҳсулот сотиб олишнинг нархи тўғрисидаги маълумот келиб тушгандан сўнг, етказиб берувчи ўзининг таклифини бериш имконияти бўлади, бироқ унинг таклифи харидор танлаган нархдан паст бўлиши лозим. Барча иштирок этмоқчи бўлган етказиб берувчилардан таклифлар келиб тушгандан сўнг, электрон тизим автоматик равишда энг паст нархни таклиф килган етказиб берувчини танлайди ва уни ғолиб деб топади.